Áheitan til øll feløg:
FaroeSoccer vil GJARNA kunna alt fótbóltsføroyar um, nær dystir tykkara á FaroeSoccer verða leiktir – ALLIR dystir í ØLLUM kappingum. Um fólk ikki vita, nær dystirnir eru, so kann í hvussu so er ikki roknast við, at tey koma at hyggja at teimum, og tað er (óneyðugt) spell.
Vit vilja ikki “hanga nakran út" her, men tað skerst ikki burtur, at nøkur feløg eru og hava verið raskari at kunna og boða frá enn onnur.
Nú eru allar kappingar ikki farnar í gongd enn, men FaroeSoccer fer við hesum í góðari tíð at heita á serliga:
NSÍ, ÍF, Víking, Skála, FC Suðuroy, B71, Royn og MB
um at royna at kunna betri (og skjótast tilber) um dystartíðir á heimasíðum sínum ella at senda beinleiðis boð til fartelefon 520515 hjá FaroeSoccer, sum summi gera av og á (og takk fyri tað), men tíverri ikki nóg støðugt. Facebook-síður hjá feløgum og fjepparum er ikki nóg góð almenn kunning.
Talan er um hesar kappingar: Effodeildin, 1. deild menn, 2. deild menn, U18 menn, Kvinnur og steypakappingarnar.
Tað er NÓGV stuttligari at vita, nær (og summatíðir eisini hvar) dystirnir verða leiktir. Tað eigur ikki at vera ein støðugur kampur hjá FaroeSoccer at finna út av hesum – keðilig tíðarspilla, tí hetta er ein tænasta til ØLL. Vælsignaði roynið og fáið dystartíðirnar út á heimasíður tykkara til gleði fyri øll – kappingarárið ER byrjað! :-)
Vit spæla saman!