Bæði B36 og ÍF hava verið hjá fotografi í ár (B36 var eisini í fjør), og bæði feløgini og fotografarnir hava givið FaroeSoccer loyvi at brúka fínu andlitsmyndirnar. FaroeSoccer nýtir beinanvegin høvi at takka øllum partum innilga fyri sýnda vælvild.
Fyri B36 hava Bjarni Enghamar og Pætur Jensen skipað fyri myndatøkuni, meðan Oddur á Lakjuni hevur tikið sær av ÍF.
Tað hoyrist, at B36 hevur tikið myndir av kvinnunum eisini, og at U18 menn eisini standa fyri tørni, vónandi frættir FaroeSoccer aftur um hetta skjótt.
Harafturat hoyrist álítandi, at B68 ætlar at taka myndir av nýggja kvinnuliðnum í 1. deild (og kanska monnunum við?), og tær gleða vit okkum eisini til at síggja á FaroeSoccer.
Eru onnur slík mynda"prosjekt" í gongd, so latið okkum endliga frætta, takk fyri. ALLAR deildir, sum FaroeSoccer skrásetur, hava áhuga.
Vit spæla saman!