Tveir skriviborðssigrar

týsdagur 7. juli 2015
Aganevndin hjá FSF hevur gjørt úrskurð í tveimum kærumálum, og tað kostaði kvinnunum hjá AB/B36 og U18-liðnum hjá 07 Vestur trý stig. Báðar kærurnar snúu seg um ólógligar leikarar.

FSF hevur júst almannakunngjørt tvær avgerðir hjá Aganevndini.

Málini snúgva seg um hesar dystir:

1. deild kvinnur 14. juni AB/B36 – ÍF/Víkingur 2-1
U18 menn 15. juni KÍ – 07 Vestur 1-2

Í báðum førum snýr kæran seg um brúk av leikarum, sum áttu at havt leikbann hesar nevndu dystir vegna ov nógv gul kort. Hetta vóru lættar avgerðir hjá Aganevndini, sum dømdi bæði AB/B36 og 07 Vestur at tapa 3-0.

Úrslitini av hesum báðum dystunum eru nú rættað á FaroeSoccer, og stigatalvan er broytt samsvarandi.

Úrskurðarnir síggjast annars í heilum líki á heimasíðuni hjá FSF undir høvuðsvalmyndini “FSF” og “Kæruúrskurðir 2015”.

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].