Espa�ol English F�royskt

HB er við aftur

mánadagur 23. apríl 2018
5. UMFAR: HB fekk fult í útsetta dystinum móti KÍ í Gundadali í gjár, sum var seinasti dysturin í 5. umfari. Aðrastaðni spældu EBS/Skála og ÍF/Víkingur seg víðari í hálvfinaluna í steypakappingini.

5. umfar í Betri Deildini varð órógvað av, at U17-landsliðið fór til Norðurírlands at luttaka í eini menningarkapping. Onkur feløg lótu leikarar til U17-landsliðið, og FSF útsetti tí dystirnar EBS/Skála-B68 og HB-KÍ. Hendan avgerðin hjá FSF skapti ónøgd í summum feløgum. Tað átti at verið óneyðugt og er at síggj til eisini beint ímóti reglunum hjá FSF sjálvum.

Men umfarið er so avgreitt nú, og í toppstríðnum kann man siga, at KÍ gjørdist taparin hesa ferð við at tapa 2-1 fyri HB, samstundis sum EBS/Skála vann ósvikaliga sikkurt 8-1 móti B68. Hetta ger, at HB  og EBS/Skála nú hava 12 stig í part, meðan KÍ hevur 9 stig. KÍ eigur tó ein dyst til góðar á heimavølli móti EBS/Skála frá 4. umfari, sum varð  útsettur. Hesa útsetingina kærdi EBS/Skála annars um, og sum skilst, skal FSF taka eina avgerð í málinum í morgin – ella í hvussu so er koma við sínum viðmerkingum.

Tann 15. apríl vísti ÍF/Víkingur aftur, at tær neyvan verða partur av nøkrum botnstríði í ár (hóast ongin niðurflyting er), tá tær vunnu ein rímuliga tryggan 3-1 sigur í Gundadalu móti B36.  

Tann 17. apríl vant EBS/Skála burturúr toftakvinnum í Streymnesi. B68 gjørdi góða mótstøðu í fyrra hálvleiki, sum endaði 1-0 til vertinar. Men eftir at meistararnir skoraðu tvey skjót mál í seinna hálvleiki, skramblaði alt saman hjá B68, sum eisini vórðu skrásettar fyri 3(!) sjálvmál hendan dystin.  Tvey hornaspørk hjá EBS/Skála fóru eisini í málið við nærmastu stong.

Og í gjár var so seinasti dysturin í 5. umfari avgreiddur, og vit sóu aftur tekin um, at KÍ er blivi til at tosa við, tá HB fór avstað við øllum. Blaðungi KÍ-málverjin sá at síggja til ikki ov væl út við bæði HB-málini, men sjálvar siga tær í KÍ, at tær bara kunnu takka sær sjálvum, tí tær høvdu nokk av málkjansum, serliga í fyrra hálvleiki. HB hevði tó eisini fleiri aðrar góðar málmøguleikar, og høvdu kanska ein lítlan mun í spælinum sjálvum. Men HB kendi sína vitjanartíð og er aftur við í avgjørda oddinum.

Úrslit og støða og onnur hagtøl í Betri Deildini síggjast annars HER.

Í steypakappingini varð fyrsta umfar avgreitt í gjár, og sum væntað spældu EBS/Skála og ÍF/Víkingur seg víðari í hálvfinaluna. Verandi steypavinnarar EBS/Skála gjørdu ikki meira enn neyðugt á Toftum og vunnu 4-1, meðan ÍF/Víkingur hevði tað strævnari í Fuglafirði og javnaði ikki 1-0 leiðsluna hjá B36 fyrrenn í næstseinasta minutti, tá tær fingu brotsspark. Einki mál kom í longdu leiktíðini, og tískil máttu brotsspark til. Her kappaðust liðini um at brenna (ÍF/Víkingur tvey og B36 fýra!), men loksins vann ÍF/Víkingur brotsspørkini 2-1.

Alt um steypakappingina er HER.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019