Tað er ongin loyna, at profilsíðurnar á FaroeSoccer er millum mest vitjaðu netsíðurnar í landinum, og orsøkin er ikki bara leikarahagtølini, men eisini myndirnar. Hvør vil ikki gjarna síggja seg sjálvan á netinum, ella familjuna ella vinirnar? Soleiðis er tað bara.
Men myndirnar koma ikki av sær sjálvum. FaroeSoccer roynir at liggja framvið á hvørjum ári at taka andlitsmyndir, og av og á fáa vit eisini myndir sendandi frá feløgum og privatpersónum, men tíverri ALT ov sjáldan.
Í sambandi við HB-blaðið, sum kom út í hvørt heim í Tórshavnar kommunu í seinastu viku, hevði felagið gjørt av at taka nýggjar vangamyndir av Effoleikarunum. Ongar vóru tiknar síðani 2013(!). Flottu myndirnar tók fotografurin, Regin Dalsgaard, og bæði HB og Regin Dalsgaard hava síðani givið FaroeSoccer loyvi at brúka myndirnar sum vangamyndir.
FaroeSoccer takkar HB og Regini mirðiliga fyri vælvildina, og vit vóna, at onnur feløg fara at gera tað sama. FaroeSoccer skal tó undirstrika, at vit ikki bara hava áhuga fyri Effomyndum, vit hava áhuga fyri ØLLUM andlitsmyndum, serstakliga av leikarum, venjarum og dómarum, ið ONGA mynd hava sum er. Men ungir leikarar broytast skjótt, so nýggjar dagførdar myndir eru sjálvsagt altíð vælkomnar.
Nógvir nýggir leikarar leggjast afturat á hvørjum ári, serliga í kvinnudeildini, U18 dreingir og 2. deild monnum. Hesi andlit hava sjálvsagt STÓRAN áhuga. Øll eiga eina fartelefon við kamera í dag, vælsignaði brúkið tað og deili við FaroeSoccer.
FaroeSoccer fer við hesum at heita á feløgini (og onnur), ið ætla at taka vangamyndir t.d. til heimasíður sínar um at deila hesar við FaroeSoccer, so verða “turru hagtølini” eisini meira áhugaverd :-)
Takk fyri.
Vit spæla saman!