EFFODEILDIN – 27. UMFAR:
Úrslit |
|||||
27 |
26-10 |
||||
27 |
26-10 |
||||
27 |
26-10 |
||||
27 |
26-10 |
||||
27 |
26-10 |
Landskappingin í Effodeildini 2013 er av.
Seinastu fimm dystirnir í bestu deildini vórðu leiktir í dag, og tað einasta, sum var eftir at gera av var, um tað skuldi vera B36 ella NSÍ, sum skuldi hava bronsuna og harvið eisini seinasta evropeiska plássið næsta ár.
B36 hevði nokk truplara dystin, tí teir skuldu spæla í Fuglafirði, NSÍ skuldi spæla á heimavølli móti nýklaktu meistarunum. Og hóast ein dystur móti oddaliðnum eigur at vera tann truplari, so spælir tann veruleiki inn, at HB vann FM seinasta vikuskifti, og tí einki hevði at spæla fyri á útivølli. Tað sama kann sjálvandi sigast um ÍF, men fuglfirðingar spældu á heimavølli, og tá er truplari hjá gestunum, ið eins og NSÍ stríddust fyri evropeiska plássinum.
Tað endaði við sigri til bæði nummar trý og nummar fýra, og so broytti tað einki samanlagt. B36 var framvegis nummar trý og NSÍ framvegis nummar fýra, og tað merkir, at B36 sleppir út í Evropa at spæla næsta ár, meðan NSÍ má taka til takkar við heimligum fótbólti.
Í botninum var alt avgreitt, og tað sást – lutvíst – aftur á úrslitunum. 07 Vestur riggaði av fyri hesaferð í Klaksvík, og har fekk heimaliðið sín fyrsta heimasigur í nógvar mánaðir. Og tá KÍ aftur vann á heimavølli, so gjørdu teir tað við maner. Dysturin endaði 7-1, sum er ein av teimum størstu sigrunum í ár, men hann sigur einki meira um styrkislutfallið enn, at annað liðið var flutt niður og hitt ikki.
AB hevði heldur einki annað at spæla fyri enn æruna, og tað var eftir øllum at døma ikki nóg mikið. Tí EB/Streymur vann við trimum málum móti ongum, og tað bjargaði EB/Streymi ein eyka heimadyst næsta ár.
Tann dystin misti Víkingur í Trongisvági, har TB sum einasta botnliðið fekk stig. Eisini hetta var seinasti dysturin í Effodeildini hjá TB, tí liðið var longu flutt niður, og einasti spenningurin verður nú at síggja, um tvøramenn – og vágamenn sjálvandi eisini – klára at spæla seg uppaftur næsta ár. Málið á Tvøroyri er nokk greitt, spurningurin er, um tað ber til at halda uppá allar teir bestu leikararnar.
Og soleiðis endaði kappingin fyri í ár. HB gjørdist meistari, júst sum væntað áðrenn kappingin byrjaði, og 07 Vestur mátti niður, eisini júst sum væntað. At TB eisini mátti niður, kom kanska ikki so óvart á tey flestu, sjálvt um tvørafólk ivaleyst høvdu viljað tað øðrvísi. Men soleiðis er fótbóltur, og er tað í síðsta enda ikki ein av orsøkunum til, at vit tíma at hyggja eftir tí?