EFFODEILDIN – 26. UMFAR:
Úrslit |
|||||
26 |
20-10 |
||||
26 |
20-10 |
||||
26 |
20-10 |
||||
26 |
20-10 |
||||
26 |
20-10 |
Tað hevði í grundini verið løgið, um HB misti alt á gólvið, nú kappingin nærkaðist endanum.
Liðið hevur verið fremst – og nógv fremst – alt kappingarárið, og bara onkrir smávegis trupulleikar hava verið. Sjáldan klárar eitt lið at spæla 27 umfør uttan at tapa, og tað gjørdi HB heldur ikki í ár. Tó hevur liðið bara tapt fýra dystir.
Jú, tað er rætt, at liðið hevur tapt tríggjar ferðir í seinnu hálvu, men tað hevur ikki verið nakar trupulleiki, tí hini liðini hava eisini tapt, og tá meistaraheitið er komið til høldar eina viku áðrenn kappingin endar, so kann tað ikki hava staðið heilt illa til.
Vit minnast jú, at okkurt lið hevur mist á stokkinum – á seinasta leikdegi. Tað er ikki hugaligt. Men hartil kom tað ongantíð hjá HB, um enn kanska fleiri høvdu vónað tað, so var liðið heilt einfalt ov sterkt til, at missa tað, sum var á veg. Nevniliga meistaraheitið nummar 22.
Líka so trygt, sum HB vann meistaraheitið, vann ÍF silvur. Liðið gjørdist eisini nummar tvey í fjør, tá við 54 stigum, og sjálvt um dreymurin var at flyta eitt trin upp, eydnaðist tað ikki, og hvat stigum viðvíkur hevur liðið klárað seg eitt sindur verri í ár. Tó eru silvurheiðursmerkini eitt frálíkt avrik hjá ÍF, og hvør veit, um liðið ikki næsta ár kann taka seinasta fetið upp á ovastu rók.
Í botninum hava vit leingi vitað, at 07 Vestur ikki fór at fáa meira enn tað eina árið í Effodeildini. Liðið hevur bara verið ov veikt til at klára seg í kappingini, og tað kostar. Í hesum føri ein túr niður í 1. deild, og nú er spurningurin, um felagið í Vágum ikki má taka ta avgerð bara at halda fast í sítt egna, tá tað er millum teir bestu. Tí hitt riggar ikki. Tað riggar ikki at keypa eitt heilt nýtt lið inn, tað er prógvað í fleiri umførum.
Sunnudagin fingu vit eisini staðfest tað, sum tey flestu hava havt illgruna um. Tað var, at TB – ellisforsetin í føroyskum fótbólti – mátti niður í 1. deild aftur, eftir tvey ár í bestu deildini. Í fjør bjargaði TB sær á seinasta leikdegi á heimavølli, men í ár stóð kappingarárið ikki til at bjarga. TB kann kortini enn – um liðið vinnur á Víkingi á heimavølli leygardagin – enda við fleiri stigum enn í fjør, men teir flyta kortini niður. Í besta føri, tí liðið hevur verri málmun enn KÍ. Í ringasta føri, tí liðið hevur færri stig enn KÍ.
Tað einasta, sum ikki er komið uppá pláss enn, er bronsan.
Hana stríðast B36 og NSÍ um. Víkingur kann røkka sama stigatali, men málmunurin er so nógv verri, at tað røkkur ikki til bronsuplássið. B36 hevur yvirvág og ein sigur móti ÍF merkir, at bronsan fer til Havnar. Ein sigur til ÍF gevur NSÍ møguleikan, um runavíkingar vinna á HB í Runavík.
Tað er ikki tann stóri spenningurin eftir, tí árið er næstan liðugt. Seinastu dystirnir í ár vera avgreiddir seinnapartin leygardagin, og so er vetrarfrí hjá fleiri, men eisini vetrarvenjing hjá fleiri øðrum.
27. og seinasta umfar í Effodeildini, verður leikt leygardagin og tá byrja allir dystir klokkan 14.00:
27 |
26-10-2013 kl. 14:00 |
- |
|||
27 |
26-10-2013 kl. 14:00 |
- |
|||
27 |
26-10-2013 kl. 14:00 |
- |
|||
27 |
26-10-2013 kl. 14:00 |
- |
|||
27 |
26-10-2013 kl. 14:00 |
- |