Endaspurturin settur inn

Kappingin í 2. deild hjá monnum er við at nærkast síðsta umfarið. Men hóast tað, so er eitt sindur av spenningi í bæði botninum og toppinum av deildini. 

Í toppinum hava AB og NSÍ lagt seg á uppflytingarplássinum, og hesi bæði liðini hava verið gott koyrandi alla seinni hálvu, m.a. vann  NSÍ heili 7-1 ímóti Undriðnum og 5-0 ímóti Giza/Hoyvík.

Við tveimum umførum eftir, so er enn møguleiki hjá Giza/Hoyvík at yvirtaka eitt av uppflytingarplássinum. Giza/Hoyvík hevur ein dyst ímóti AB í næsta umfari, men hóast teir skuldu vunnið hendan dystin, so hevur AB í løtuni 12 mál betur málmunn enn liðið úr Gundadali. Mest sannlíkt er tí, at AB og NSÍ komandi ár spæla í næstbestu deildini komandi ár. 

Í botninum botninum hevur KÍ enn ein teoretiska møguleika at varðveita plássið í 2. deild. Tað krevur tó, at teir vinna 6 stig og 10 mál inn á teir næstbestu hjá FC Suðuroy. Meira spennandi er, hvør skal við KÍ niður í 3. deild, her hava Skála, FC Suðuroy og B68 ávíkavist 12, 14 og 16 stig.

FC Suðuroy hevur ein heimadyst eftir, og her plaga teir at vera sterkir og fáa tí allarhelst trý stig í dystinum ímóti Undrinum. Skála og B68 hava ein dyst í næstseinasta umfarinum, men hóast tað skuldi eydnast Skála at vunnið hendan dystin, so møta teir í síðsta umfarinum NSÍ. Skála má tí allarhelst metast sum favorittur at fara niður í 3. deild. Hetta er sera óheppið fyri felagið, tá besta liðið vantandi kemur at spæla í Effodeildini komandi ár.

B36 vann í síðstu viku 3. deild, og tí verður B36 komandi ár umboðað í øllum deildum. Hitt uppflytingarplássið í 3. deild er ein dystur millum NSÍ, Víking A og B. Samstundis er eisini greitt, at B71 komandi ár verður at finna í 2. deild sum annar av niðurflytarnum úr 1. deild.

Við tveimum umførum eftir er Debes Danielsen hjá NSÍ favorittur at gerast toppskjútti í deildini. Hann hevur skotið 16 mál í teimum 8 dystinum, ið hann hevur leikt. Í hølinum á honum liggja Karstin Højgaard (AB) og Otto Jacobsen (MB) við 13 og 12 málum, hesir hava tó brúkt ávíkavíst 14 og 15 dystur at skora málini, og harafturat hava teir eisini skorað trý í part upp á brotsspark. Tí kann ikki sigast annað enn, at hetta er sera flott av Debes Danielsen.

Komandi (næstseinasta) umfar í 2. deild: