Óreglulig dagføring komandi tíðina

mikudagur 19. apríl 2017
Vegna serligar umstøður kann roknast við óregluligari og allarhelst seinkaðari dagføring á FaroeSoccer komandi mánaðin. Vinarliga haldi okkum tilgóða.

FaroeSoccer fer at halda til á fjarleiðum komandi mánaðin (hart tiltrongt!), men vit fara at gera okkara allarbesta at skráseta og dagføra so hvørt allíkavæl. Tað veldst eisini eitt sindur um internetsambandið, tíðarmun, nærløgd feløg, raskar dómarar og onnur viðurskifti.

Eru onkrar viðmerkingar til dómaraseðlarnar ella um onkran dyst, so skrivið endiliga til FaroeSoccer á [email protected] ella til facebooksíðu okkara, tí vit verða ikki at hitta á telefon hesa tíðina, takk fyri.

Manglandi ella seinkaða dagføringin fer møguliga at koma eitt sindur tvørt fyri hjá onkrum, so vit biðja longu nú allar brúkarar okkara vinarliga halda okkum tilgóða.

Men vit koma sterkt aftur.

Vit spæla saman!
FaroeSoccer 

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].