Effo-andlitini hjá B68 dagførd
mánadagur 25. apríl 2016
FaroeSoccer jakstrar enn sum áður andlitsmyndir – bæði nýggjar sum eldri , og nú gjørdist B68 fjórða effoliðið eftir HB, B36 og ÍF, sum hevur havt vitjan av fotofgrafi. Vónandi kenna hini feløgini eisini eitt kall.
Tað gongur alla tíðina spakuliga framá at fáa nýggjar andlitsmyndir til leikaravangarnar – eins og til venjarar og dómarar. Herfyri tóku toftamenn sær um reiggj og fingu Andri Gerðisá at taka nýggjar myndir av øllum effohópinum. Hesar myndirnar hevur B68 og fotografurin loyvt FaroeSoccer at brúka, og tær eru nú lagdar út. FaroeSoccer takkar fyri vælvild.
Onkur vildi vera við, at effoleikaranirhjá B68 síggja betri út enn støðutalvan vísir, men har kann jú sum kunnugt mangt broytast enn :-)
Hópurin hjá B68 higartil í ár sæst her.
Okkurt týðir upp á, at vit eisini skjótt fara at síggja andlitsmyndir av kvinnunum hjá B68, og tað ljóðar hugaligt.
Vónandi fara onnur Effofeløg at taka andlitsmyndir av sínum leikarum í ár – tað áttu tey at gjørt á hvørjum ári.
