Kappingar-Hugni-Skemt-Samvera

hósdagur 12. august 2010
Skriv frá TB: Um nóg stórur áhugi er, ætlar TB at skipa fyri einum skemtiligum degi á Tvøroyri fyrsta leygardag eftir lokna kapping, altso tann 30. oktober.

Kunningarskriv frá Tvøroyrar Bóltfelag:


Halló allir vaksnir fótbóltsspælarar í Føroyum!

Um nóg stórur áhugi er, ætlar TB at skipa fyri einum skemtiligum degi á Tvøroyri fyrsta leygardag eftir lokna kapping, altso tann 30. oktober.

Vit meta, at vinabondini leikaranna millum kunnu styrkjast enn meir, um allir hittast, uttan at hugsast skal alla tíðina um stig og stigatalvu.

Luttakararnir gera sjálvir síni lið á 5 luttakarar. Tit skulu hava innan- og uttandura klæðir við. Kappingarnar verða soleiðis, so allir kunnu vera við, men eingin vanligur fótbóltsdystur verður á skránni.

Okkara ætlan er henda:

Smyril leggur at á Tvøroyri leygarmorgun kl. 09.00

Samling, morgunmatur og kunning um dagin í Ítróttarhøllini í Trongisvági kl. 09.30-10.30

Kappingarnar kl.11.00-15.00

Enskur fótbóltur á stórskíggja:

Arsenal - West Ham United kl. 15.00

Manchester U. - Tottenham kl. 17.30

Døgurði í Høllini í Trongisvági kl. 19.30

Almennur dansur kl. 23.00-04.00

Kostnaður fyri morgunmat, kapping,døgurða og dans 400 kr. fyri hvønn.

Kontaktpersónur: Jean Dimon 222889 - [email protected]

 

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].