Español English Føroyskt

Gerið vart við tykkum

mikudagur 7. apríl 2010
Einki her í verðini er lýtaleyst, og tað er FaroeSoccer heldur ikki. Vit vóna, at tit brúkarar fara at gera vart við tykkum, tá tit detta á okkurt herinni, sum ikki er, sum tað eigur.

Fyri at FaroeSoccer skal vera so gott og álítandi sum tilber, er týdningarmikið at vit øll spæla saman.

Ongin dómaraseðil er betri enn tey, sum fylla hann út, og einki her á FaroeSoccer er betri enn tað, sum vit hava tøppað inn í dátugrunnin. Dómarar og leikfólk gera jú altíð feilir sum kunnugt :-)

Men feilir eru til fyri at rætta, og her er FaroeSoccer ein funnin fressur í mun til aðrar keldur sum bløð og bøkur, sum onkutíð bera skeivar upplýsingar. Vit fáa nevnliga rætta møguligar feilir beinanvegin á FaroeSoccer, og so eru vit tað betri og meira álítandi alla tíðina.

FaroeSoccer vónar at frætta frá tykkum brúkarum, um tit skuldu dottið á nakað, sum tit halda ikki er í lagið onkursvegna. Tað kann vera hvat sum helst: úrslit, málskjúttar (sjálvmál/brotsspørk), kort, leikarar, venjarar, dómarar, vøllir, dagfestingar osfr. - hvat sum helst og hvussu lítið tað so enn er.

Vit á FaroeSoccer royna sum frægast at vanda okkum um móðurmálið og herundir at stava tingini rætt, og tí vilja vit fegin hoyra frá tykkum um feilir í nøvnum og aðrar stavivillur.

Skeivar føðingardegar vil FaroeSoccer sera fegið frætta um - og ikki minni manglandi føðingardagar. Manglandi føðingadagar koma oftast fyri í lægri deildunum og gjarna eitt sindur aftur í tíðini eisini.

Lítil ivi man vera um, at FaroeSoccer fer at verða brúkt sum eitt slag av uppslagsverki og endurgivið dúgliga, tí liggur eisini ein eyka ábyrgd á okkum, um at alt má vera so rætt og álítandi sum tilber.

Vit vita longu nú um ymsar feilir, serliga um nøvn, sum (allarhelst) eru komin í bland, og vit hava eisini verið í samband við fleiri slík fyri at kekka, men enn er eitt sindur eftir á mál. Hesi og onnur fara vónandi eisini at gera vart við seg - alt eftir hvussu væl man minnist aftur í tíðina!

Vit vóna sjálvandi at frætta sum minst um feilir :-) men vit takka longu nú øllum tykkum, sum vilja ómaka tykkum at boða okkum frá - helst skrivliga. Tað gerst lættast við at fara her og velja síðuna Samband.

 

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017