Español English Føroyskt

EBS/Skála basti KÍ

mánadagur 27. mai 2013
1. DEILD KVINNUR - 8. umfar: Fyri fyrstu ferð í 82 dystum hevur KÍ lagt rygg til eitt tap. Hetta hendi, tá EBS/Skála á heimavølli við Margáir í evstu løtu tók øll trý stigini í oddadystinum.

Vælkomin til FaroeSoccer á facebook




1. DEILD KVINNUR - 8. UMFAR

8
26-05
8
26-05
8
26-05
 
8
26-05

Víkingur, sum mikudagin fekk góðan sigur á heimavølli móti ÍF í steypakappingini, tók móti HB í Gøtu. HB vann tryggan sigurog legði seg undir liðina á KÍ og EBS/Skála. Við tapinum er Víkingur plaserað í niðara endanum, tó frammanfyri AB, sum enn ikki hevur fingið stig.

Elsa S. Jacobsen og Valgerð Andreasen, sum høvdu leitað sær til Gundadal og HB undan kappingarbyrjan, hava í eini knappari vending valt at fara aftur til AB. iArgjadamur hava fingið alt annað enn eina ynskibyrjan, og skuldu stig koma á kontuna skjótt, so var tað allarhelst væntandi á útivølli móti ÍF. Men heldur ikki hesuferð bragdaði, tí ÍF vann og eltir tískil B36 í kappingini um fjórða plássið.

Mest spennandi dysturin hetta umfarið var í Streymnesi, har EBS/Skála tók móti KÍ. At EBS/Skála hevur eitt sterkt lið í ár, prógvaðu tær við at vinna á KÍ. Nevnast kann, at landsliðsmálverjin hjá KÍ, Randi S. Wardum, ikki var við í hesum dystinum. KÍ var um at taka egið met, við tað at liðið ikki hevði tapt í 82 dystum, men hetta legði heimaliðið lítið í. Samstundis var hetta fyrsta ferðin, at KÍ tapti á útivølli síðani 22. apríl 2007. Tá taptu tær 1-0 í Gundadali móti B36. 

Sum nógv væntaðu undan kappingarbyrjan, so liggja KÍ, EBS/Skála og HB í oddanum við B36 eitt sindur aftanfyri. Hini liðini, AB, ÍF og Víkingur eru ikki eins góð lið sum topp 3, og eru tí tyngri parturin í kvinnudeildini. ÍF hevur tó yvirraskað eitt vet og til tíðir havt úrslitini sínum parti, og tær liggja ájavnt við B36, sum fekk silvurkrónurnar í fjør. B36 hevur tó leikt ein dyst færri enn hini liðini í deildini.

Komandi sunnudag verður 9. umfar, og tað sær soleiðis út:

9
02-06-2013
 
-
9
02-06-2013
 
-
9
02-06-2013
 
-
9
02-06-2013
 

 

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018