FaroeSoccer er loksins aftur!
Fyrst fara vit enn eina ferð at biðja allar brúkarar okkara halda okkum tilgóða, at tað ikki bar til hjá okkum at dagføra FaroeSoccer sum vanligt eina góða viku ella so – eini 25-30 dystir tilsamans. Tað er bara ikki altíð alt man kann gera av sjálvur.
Prátið á Facebook hesa vikuna bar brá av, at tænasta okkara var saknað, ikki minst í lægru deildunum, sum at kalla ongan góðan eiga. Summi høvdu eisini hug at fílast á, at kappingarnar á heimasíðuni hjá FSF ikki vóru dagførdar, men hetta var ein síða av somu søk, tí tað er FaroeSoccer, sum hevur ábyrgdina av, at fsf.fo er dagførd við úrslitum og støðum.
FaroeSoccer er nú komið á rættkjøl aftur, og bara dómaraseðilin frá eina dystinum í 2. deild (TB - Víkingur) manglar í løtuni, men skuldi verið á veg.
Annars var dagurin í gjár ein av teimum tungu, har SERA trekt gekst at fáa dómaraseðlarnar, serliga 1. deild tykist vera ein trupulleiki – og serliga í nøkrum av stóru feløgunum, sum hava sítt næstbesta lið í 1. deild. Hetta er tó ikki nakað nýtt, og vit kunnu bara ENN einaferð heita á hesi feløgini um at hjálpa dómarunum betri at fáa sent seðlarnar beint eftir dystarlok – eisni tá tap hevur verið í hendi!
Annars hevur FaropeSoccer gjørt eitt gott myndahál í seinastuni, og vit fara at takka Janusi Kjærbo (FC Suðuroy), Hanusi Johannessen (B71) og Magnusi Jørmundsson (ÍF) fyri teirra beinasemi at senda okkum nýggjar myndir. Hesar eru nú allar lagdar út.
Vit spæla saman!