Í fríum falli

1. DEILD MENN - 24. UMFAR:

Kappingin um uppflytingina í Effodeildina er spennandi sum ongantíð fyrr.

Eftir at hava ligið langt aftanfyri HB í nógvar mánaðir, er B68 nú farið fimm stig framum, og við bara trimum umførum eftir at leika, síggja toftamenn rættiliga tryggir út. Tað skal í veruleikanum vilja heilt illa til, um B68 skal snáva.

Um vikuskiftið spældi B68 júst móti HB á heimavølli á Svangaskarði, og toftamenn vunnu ein rímiliga tryggan sigur móti einum HB-liði, sum nú hevur tapt seks dystir á rað. Liðið hevur sostatt bara vunnið ein dyst eftir summarsteðgin, og tí kann ikki sigast annað enn, at liðið er í fríum falli.

Av tí at tað hevur gingið so illa í hond hjá HB, er eisini Skála farið framum nú. Bara tí málúrtøkan er betri, gamaní, men tað telur eisini. Og beint aftanfyri HB liggur FC Suðuroy, sum hevur tvey stig upp, til HB, men eisini til Skála, sum liðið kappast við um uppflyting.

Og júst uppflytingarstríðið fer nú inn í ta allarseinastu fasuna. Skála hevur á pappírinum ein lættan dyst móti B71, sum er aftast, men sandoyingar hava einki at spæla fyri sum so. Tí teir eru nú so langt aftanfyri nummar átta, at tað bara er teori, sum kann bjarga teimum. Um teir í heila tikið kunnu bjargast.

Felagsliðið úr Suðuroy hevur ein eitt sindur truplari dyst. Teir skulu til Margáir, har EB/Streymur, sum gamaní liggur næst niðast í løtuni, tekur ímóti. Tað felagsliðið kann við einum sigri hála KÍ niður í niðurflytingardíkið, og tað er ivaleyst tað heimaliðið fer eftir.

Um vikuskiftið fekk FC Suðuroy ein tryggan 6-2 sigur, tá B71 var á vitjan, men tað er altso næsti dysturin, sum telur hjá teimum báðum uppflytingarkandidatunum nú.

Um vikuskiftið verður 25. umfar leikt. Teir dystirnir síggja soleiðis út: