Ongin broyting hjá kvinnunum

1. DEILD KVINNUR - 15. OG 16. UMFAR:

15	01-09		HB	B68/NSÍ
15	01-09	Oda Andreasen	AB	Víkingur	1-1
15	01-09	Magnus Jørmundsson	KÍ	B36	2-1
15	01-09	Bogi E. Hansen	ÍF	EBS/Skála	0-6
16	08-09	Arni Rasmussen	EBS/Skála	AB	2-0
16	08-09		B68/NSÍ	ÍF
16	08-09	Elsa Andreasen	B36	HB	0-3
16	08-09	Alex Troleis	Víkingur	KÍ	0-7

Nú niðurteljingin til endan av kappingin er í gongd, eru øll plássini í deildini meir ella minni tikin. Lítið annað er væntandi enn, at liðini, sum liggja frá trý til og við sjey nú, liggja á sama plássi, tá kappingin er at enda komin. Einasta staðið, har fólk elska spenning, er eisini einasta staðið, har spenningur er í løtuni.

Aftaru liðini duga ov illa at stjæla stig frá hvørjum ørðum. Av teimum 48 dystunum, sum higartil eru leiktir í landskappingini, er tað bara einaferð hent, at aftara liðið hevur vunnið. Einasta liðið, sum hevur megnað at vunnið á einum liði, sum liggur frammanfyri seg, er KÍ. Tær vunnu á EBS/Skála í fyrsta umfari. Í mun til aðrar kappingar er tískil lætt at spáa um liðini undan kappingarbyrjan. Munurin millum liðini er umleið líka stórur frá plássi til pláss.

Komandi mikudag verður føroyameistarin allarhelst funnin, av tí at tað ikki verður væntað, at EBS/Skála og KÍ missa stig í ár, og tey bæði liðini spæla móti hvørjum ørðum í Klaksvík. HB hevur allarhelst sett seg fast á triðja pláss við sigri á nærmasta kappingarneytanum, B36. AB hevur økt um stigini við 100 prosentum, eftir enn ein javnleik móti Víkingi, men annars eru øll liðini mitt í ongamannalandi og hava nógva luft til nærmasta kappingarneytan.